Poem of the day

தனிமையின் முதுமை

நெஞ்சில் பாசத்தை வைத்து 
நெருப்பை தான்  அள்ளி வைத்தது போல
பிள்ளைக்காக அன்பை பாய்ச்சி  
தன் இளைமையையும் இழந்து விட்டு

ஏனையவை கலையடி அகிலன் 16, September 2017 More

காதல் கவிதை

மது விழியாள்..!

22, June 2017
Views 786

மெல்லக் கண் திறந்திட்டால்
மேகங்கள் மோதும் - விழி
எல்லோர்க்கும் மதுதந்து
இதயத்தைக் கோதும் !

அலங்காரம் இல்லாத
அனிச்சம் பூக்கந்தம் - இவள்
அன்புக்குள் வளர்கின்ற
அனைத்துக்கும் சொந்தம் !

அரும்புக்குள் சுரக்கின்ற
அருந்தேனாய்ப் பார்வை - இவள்
அகமென்றும்  தாயைப்போல்
அணைக்கின்ற போர்வை !

மலர் நாணப் பனிபட்டால்
மணம் சோலை கொள்ளும் - இவள்
மருதாணி விரல்தொட்டால்
மனம் காலை துள்ளும் !

உயிருக்குள் சாயாமல்
உணர்வாகிப் போனாள் - என்
உள்ளத்தை மேயாமல்
உலர்தேனாய்  ஆனாள் !

கரும்புக்கும் இவள்பேச்சு
களிப்பூட்டக் கண்டேன் - அதைக்
காலத்தின் பொருளாக்கிக்
கவிபாடிக் கொண்டேன் !

எல்லைகள் இல்லாத
எழில்வானம் நீயே - உயிர்
இம்மைக்கும் மறுமைக்கும்
இடைப்பட்ட தீயே !