Poem of the day

தனிமையின் முதுமை

நெஞ்சில் பாசத்தை வைத்து 
நெருப்பை தான்  அள்ளி வைத்தது போல
பிள்ளைக்காக அன்பை பாய்ச்சி  
தன் இளைமையையும் இழந்து விட்டு

ஏனையவை கலையடி அகிலன் 16, September 2017 More

புரட்சி கவிதை

ஈழத்தின் பிறப்பு

22, November 2015
Views 1459

கருவோடு  இனமழித்துச் 
சென்றான் - உலகின்
கொல்லாமை கற்பித்த
புத்தனையும் கொன்றான்
விருத்தியில்லை இனியென்றான்
ஈழம்  - அவன்
விழியறியா(து)  மாவீரம்
விதைத்திட்ட ஆழம்
தெருவோடு சுமந்திடுவான்
ஒருநாள் - பாவத்
தேகத்தை அழித்தெமக்கு
தந்திடுவான் பெருநாள்
உருவாகும் ஈழத்தின் ஒளியில்  - அவன்
உணர்வெல்லாம் சருகாகும்
மரணத்தின் நொடியில்!
 
சொல்லல்ல இக்கவியின் 
ஊற்று - ஈழச்
சோகத்தில் எரிகின்ற
செந்தமிழின் கீற்று
எல்லோரும் வணங்குகின்ற
வாரம் - இனியும்
எமக்கில்லை கண்ணீரின்
கனம்கொண்ட பாரம்
வில்லெடுத்து வேங்கையெனக்
காட்டு  - பகை
விடமழித்த புகழ்சொல்லி
இடைவாளைத் தீட்டு
வல்வையதன்  புதல்வனுடன் 
மீழ்வோம்  - எங்கள்
வரலாற்றுத் தலைவனுடன் 
வம்சத்தை ஆள்வோம்  !
 
கார்த்திகை பூக்கின்ற
மாதம்  - உயிரில்
கண்விழிக்கும் மாவீரர்
உரம்கொண்ட நாதம்
போர்க்களத்தில் பொழிந்திடுமே
மேகம் -  மறவர் 
பூதவுடல்  பூரிக்க 
உயிர்கொள்ளும் தேகம்
ஆர்ப்பரிக்கும் கடல்போல
எழுவீர் - இனம்
ஆள்கின்ற வலிமையெலாம் 
தந்திட்டு போவீர்
போர்ப்படையில் புகழ்சேர்த்தல்
சிறப்பு - அந்த
பொறிமுறையே விரைவாக்கும்
ஈழத்தின் பிறப்பு !