புரட்சி கவிதை

ஓர் அரிசியில் பெயர் எழுத

24, April 2015
Views 393431

ஓர் அரிசியில்
என் பெயர் எழுத
இருபது ரூபாய்
கட்டணம் என்பது
ரொம்ப அநியாயமாகப் பட்டது.
ஒவ்வொரு அரிசியிலும்
உண்பவன் பெயர்
எழுதப்பட்டிருக்குமென்று
அம்மா அடிக்கடி சொல்வாள் –
ஊறவைக்கும்போது பார்த்திருக்கலாம்.
வேக வைத்ததில் அழிந்து போயிருக்கலாம்.
மட்டமான அரிசியில்
ஏழைகளின் பெயர்களையும்
பாசுமதி அரிசியில்
பணக்காரன் பெயரையும்
ஆண்டவனே எழுதும்போது
நாமென்ன செய்யமுடியும் நடுவே?
அரசுக் கிடங்குகளில்
வீணாகும் அரிசிகளில்
புழுக்களின் பெயரை
எழுதியவன்
காருண்யமூர்த்தி