Poem of the day

ஏப்ரல்-29- உலக நடன தினக் கவிதை

இசைக்கு அசையும் இனிய கலையென
இறைவன் காட்டிய எழில்மிகு நடனம்!
அசைவில் சொல்லும் அபிநய காட்சி
ஆடிடும் போது அழகிய வதனம்!

நடப்பு கவிதை கவிதை 29, April 2016 More

நடப்பு கவிதை

இரண்டாவதா?

கவிவான்
19, January 2013
Views 691

என்ன... இரண்டாவதா?
மனம் இரண்டாவதா? மானம் இரண்டாவதா?- எம்
இனம் இரண்டாவதா? இனஎழுர்ச்சி இரண்டாவதா?
சனம்இரண்டாவதா? சந்ததி இரண்டாவதா?-எம்
சரித்திரம்இரண்டாவதா? உயிரின்சாவு இரண்டாகுமா?

நினைவிரண்டாவதா? நினைவேந்தல் இரண்டாவதா?- ஒருவன்
நிழல் இரண்டாகுமா? நிஜம் இரண்டாகுமா? இல்லையே!
இரண்டாவதை விரும்பாத இனம் இரண்டாகினால்..............
இருந்த இருப்புமின்றி ஈனமாவதுதானா இனத்தின் பெருமை?

என்ன? என்ன இரண்டாவதா? இரண்டகரால்.........இரண்டாவதா?
ஒருவழியில் ஒருநிலையில் ஒருவன் பின்னே- என்றென்றும்
ஒன்றாய் நின்றவர் என்றால்.............ஏன் ? எப்படி?
எதெற்கு இரண்டாவது? எதெற்கு இரண்டாவது தேவை?

திரண்டெழுந்த தமிழர் தீர்வொன்றே தேவையெனவாழாது
முரண்டுபிடிப்பது மூர்க்கத்தனமில்லையா?-சுரண்டுபவர்கள்
சுரண்டினால் சுண்டுவிரல் கொண்டு சுண்டித்தள்ளாது
அருண்டு நிற்பவனை எப்படித்தமிழன்என்பதோ?

புரண்டுபுரண்டுவர புழுதியில் போட்டு உருட்டினாலும்
ஒட்டும்அளவுதான் ஒட்டும் உடலில் என்பதுபோல்
நாவரண்டு- உடல்புரண்டும் நலமிழந்து உயிர்த்தீ எரித்துரைத்தும்
அருண்டவர் அகக்கண்கள்  இன்னும் திறக்குதில்லையோ?


அன்னை மண்ணில் ஓடிய அவலஆறு கண்டும்கூடவா
அடுத்தவனுக்கு  துணையாவதோ?இதுஎன்னரோகம்?
அவன் நிகழ்ச்சி நிரலுக்கு இனியும்தான் ஆளவதோ?-உன்
அடிமையுணர்வு  மனக்குடியிருந்து ஓடாதோ?

இனவிடுதலை விடியாஇரவா? முடியாத்துயரா?
இன்னும் தான்அடிமையும் அடியாள் நினைவுமேன்?